NUOL NUOL

ຊົມເຊີຍວັນສ້າງຕັ້ງ ມະຫາວິທະຍາໄລແຫ່ງຊາດ

ຄົບຮອບ 20 ປີ (5 ພະຈິກ 1996 - 5 ພະຈິກ 2016) ຢ່າງສຸດໃຈ



20 ປີ ມຊ ກ້າວໄປພ້ອມກັນ

20 ປີ ແຫ່ງການເຕີບໃຫຍ່ຂະຫຍາຍຕົວ ແລະ ຜົນສຳເລັດ. ເຮົາສັນຍາ ຈະມຸ່ງໝັ້ນພັດທະນາ ໃຫ້ກາຍເປັນສະຖາບັນການສຶກສາ ທີ່ມີຜົນສຳເລັດສູງຂຶ້ນ ໄດ້ມາດຕະຖານພາກພື້ນ ແລະ ສາກົນ.


ພິທີສະເຫຼີມສະຫຼອງ

ເຊີນຮ່ວມງານສະເຫຼີມສະຫຼອງ ວັນສ້າງຕັ້ງ ມະຫາວິທະຍາໄລແຫ່ງຊາດ ຄົບຮອບ 20 ປີ ທີ່ສະໜາມກິລາກາງ ມະຫາວິທະຍາໄລແຫ່ງຊາດ ວິທະຍາເຂດດົງໂດກ ໃນວັນທີ 5 ພະຈິກ 2016. ຊົມການສະແດງສິລະປະ ແສງສີສຽງຕະການຕາ ແລະ ກິດຈະກຳໜ້າສົນໃຈຫຼາກຫຼາຍ.


ງານສຳມະນາວິຊາການສາກົນ

ຖ້າທ່ານແມ່ນຜູ້ໜຶ່ງ ທີ່ສົນໃຈໃນຄວາມກ້າວໜ້າ ເຕັກນິກວິຊາການໃໝ່, ງານນີ້ພາດບໍ່ໄດ້ ທ່ານຈະໄດ້ອັບເດດຄວາມຮູ້ໃໝ່ ຈາກນັກຄົ້ນຄວ້າທົ່ວໂລກ. ພົບກັນໃນງານສໍາມະນາວິຊາການ ‘The International Conference on the Role of University in Green and Sustainable Development’ ເຊິ່ງຈະຈັດຂຶ້ນໃນວັນທີ 3 ພະຈິກ 2016 ທີ່ສະໂມສອນ ຄະນະເສດຖະສາດ ແລະ ບໍລິຫານທຸລະກິດ, ມະຫາວິທະຍາໄລແຫ່ງຊາດ. ລາຍລະອຽດເພີ່ມເຕີມ ກົດທີ່ປຸ່ມທາງລຸ່ມໄດ້ເລີຍ.

ອ່ານຕໍ່

ງານວາງສະແດງ

ພົບກັບການວາງສະແດງຜົນງານ, ຄວາມກ້າວໜ້າ ແລະ ຜົນສຳເລັດດ້ານວິທະຍາສາດ ແລະ ວິຊາການຕ່າງໆ ຂອງຄະນະວິຊາ, ນັກຄົ້ນຄວ້າ ແລະ ນັກສຶກສາຂອງມະຫາວິທະຍາໄລແຫ່ງຊາດ. ຮ່ວມຫຼິ້ນກິດຈະກຳ ແລະ ການສາທິດຕ່າງໆ. ພົບກັນທີ່ເດີ່ນກາງແຈ້ງ ມຊ ໃນລະຫວ່າງວັນທີ 2-5 ພະຈິກ 2016. ຢ່າລືມຢ່າພາດ ຄູອາຈານ ແລະ ນ້ອງໆນັກສຶກສາ ລໍຖ້າພົບທ່ານຢູ່ເດີ່ນກາງແຈ້ງ ມຊ ເດີ.


ງານແຂ່ງຂັນຫຸ່ນຍົນ Robot

ມາອີກແລ້ວ ການແຂ່ງຂັນຫຸ່ນຍົນ ທີ່ຕື່ນເຕັ້ນ ແສນສະຫຼາດ ສ້າງຈາກທີມງານພັດທະນາ ທີ່ໄດ້ຮັບລາງວັນມາແລ້ວ. ພົບກັບການແຂ່ງຂັນຫຸ່ນຍົນ ທີ່ພັດທະນາມາໃໝ່ລຸ້ນລ້າສຸດ ທີ່ຈະອອກມາປະຊັນກັນ ໃນງານນີ້ ໂດຍສະເພາະ ຫາເບິ່ງຢູ່ໃສບໍ່ໄດ້ອີກແລ້ວ. ງານຈະຈັດຂຶ້ນທີ່ສະໂມສອນໃຫຍ່ ມະຫາວິທະຍາໄລແຫ່ງຊາດ ໃນວັນທີ 4 ພະຈິກ 2016 ເລີ່ມເວລາ 9 ໂມງເດີ, ພາດແລ້ວຈະເສຍໃຈ!!!



ການແຂ່ງຂັນກິລາ

ຮ່ວມຊົມ ແລະ ເຊຍ ການແຂ່ງຂັນກິລາພາຍໃນມະຫາວິທະຍາໄລແຫ່ງຊາດ ເຊິ່ງຈະຈັດການແຂ່ງຂັນນັດຊິງຊະນະເລີດ ກິລາຕ່າງໆ ທີ່ສະໜາມກິລາ ມຊ ໃນວັນທີ 2 ພະຈິກ 2016. ຮ່ວມຊົມການແຂ່ງຂັນທີ່ຕື່ນເຕັ້ນ ລະທຶກໃຈ ຂອງນ້ອງໆ ນັກສຶກສາ ມຊ ໄດ້, ງານເລີ່ມເວລາ 15.00 ໂມງເປັນຕົ້ນໄປ.